Онцлох мэдээ: 2021 оны нэгдүгээр сарын 21-ний өдрийн байдлаар манай орны ихэнх гол мөрөн, нуур битүү мөсөн бүрхүүлтэй, мөсний зузаан эрчимтэй нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй, мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. УЦУОСМХ-н Гадаргын усны судалгааны хэлтэс 2021-01-21

Ажиглалтын мэдээ > Цаг агаарын мэдээ
Шинэчлэгдсэн: 2021-01-28 08:10:44

Хэвлэх

1 хоногийн тойм

2021 оны 01 дүгээр сарын 27-ны 08 цагаас 2021 оны 1 дүгээр сарын 28-ны 08 цаг хүртэлх цаг агаарын тойм

Хур тунадас: Өнгөрсөн хоногт Увс, Завхан, Хөвсгөлийн хойд хэсгээр, Төв, Сэлэнгэ, Дархан аймгийн нутгийн зарим газраар 0.0-1.2 мм цас орсноос хамгийн их нь Увсын Малчин, Хөвсгөлийн Цагааннуурт 1.2 мм, Завханы Тэсд 0.7 мм цас орсон байна.     

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Увс, Завхан, Хөвсгөл, Архангай, Булган, Төв, Сэлэнгэ, Хэнтий, Дорнод, Сүхбаатарын ихэнх, Баян-Өлгий, Ховдын зарим, Говь-Алтай, Баянхонгор, Өвөрхангай, Дундговь, Дорноговийн хойд хэсгээр 1-17 см зузаан цасан бүрхүүлтэй байна. Үүнээс хамгийн их нь Хөвсгөлийн Цагаан-Үүрт 17 см, Сэлэнгийн Бугантад 16 см, Увсын Давст, Сүхбаатарын Эрдэнэцагаан, Асгат, Сэлэнгийн Зэлтэр, Хүдэр, Баянхонгорын Байдраг, Завханы Цагаанчулуут, Сүхбаатарын Сүхбаатар, Түмэнцогтод 13-15 см, бусад сумдын нутгаар 1-12 см зузаан цасан бүрхүүлтэй байна.

Температур их: Өчигдөр өдөр ихэнх нутгаар өмнөх өдрөөсөө 1-7 градусаар хүйтэрч, Увс нуур болон Дархадын хотгор, Завхан голын эх, Эг үүр, Хүрэнбэлчир орчим, Идэр, Тэс голын хөндийгөөр -22..-29 градус, Их нууруудын хотгор, Алтай, Хангай, Хөвсгөл, Хэнтэйн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр -18...-24 градус, говийн бүс нутгийн өмнөд хэсэг, цас багатай, энгэр ээвэр газраар -4...-13 градус, бусад нутгаар -14...-19 градус байв.

Температур бага: Өнгөрсөн шөнө нутгийн зүүн хэсгээр 1-8 градусаар хүйтэрч, баруун хэсгээр 1-15 градус дулаарч Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс, Хараа, Ерөө, Туул, Тэрэлж, Хэрлэн голын хөндий, Дорнод-Дарьгангын тал нутгаар -34....-40 градус, Хангай, Хөвсгөл, Хэнтэйн уулархаг нутгаар -27...-34 градус, говийн бүс нутгийн өмнөд хэсгээр  -10...-20 градус, бусад нутгаар -23...-29 градус хоносон байна.

Салхи: Өнгөрсөн хоногт ихэнх нутгаар секундэд 5-10 метр, зарим газраар секундэд 14-16 метр хүрч ширүүссэн байна.                                     

Улаанбаатар хот орчмоорӨнгөрсөн хоногт хялмаа хаясан. Салхи баруун хойноос секундэд 5-10 метр. Шөнөдөө Яармаг-Сонгины орчмоор -39 градус, бусад хэсгээр -31 градус, өдөртөө -20...-22 градус байв.

Цаг уур орчны шинжилгээний газар

Урьдчилан мэдээлэх хэлтэс

Улаанбаатар - 2021/01/28

11 цаг

-26 -14
O
CF
Утаа

0 м/с

ӨНӨӨДӨР - 2021/01/28

-15 5
O
CF
Үүлшинэ

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store